இறக்குமதி தடை செய்யப்பட்டால் சுவிஸ் மக்களுக்கு இதுதான் நிலையா? அதிர்ச்சி ஆய்வு – World News

இறக்குமதி தடை செய்யப்பட்டால் சுவிஸ் மக்களுக்கு இதுதான் நிலையா? அதிர்ச்சி ஆய்வு

இந்த செய்தியைப் பகிர்க

சுவிட்சர்லாந்துக்கு பொருட்கள் இறக்குமதி செய்வது தடை செய்யப்பட்டால் நாட்டு மக்களுக்கு உணவு கிடைக்கும் என்றாலும் அவர்களுக்கு எடை இழப்பு நேரிடும் என புள்ளிவிவரங்கள் தெரிவிக்கின்றன.

தற்போது நாளொன்றிற்கு 3,015 கலோரிகள், உணவின் மூலம் பெறும் மக்கள் அப்போது 2,340 கலோரிகள் மட்டுமே பெறவேண்டியிருக்கும் என சுவிஸ் விவசாய, ஊட்டச்சத்து மற்றும் சுற்றுச்சூழல் ஆராய்ச்சி மையம் தெரிவித்துள்ளது.

இனி மக்கள் தங்கள் புதிய உணவு முறைக்கு பழக வேண்டியிருக்கும். இறைச்சி உணவில் பெரிய மாற்றம் ஏற்படும்: பன்றி இறைச்சி, கோழிக்கறி ஏன் முட்டைகளைக் கூட உணவுத் தட்டில் பார்க்க முடியாத சூழல் ஏற்படும்.

உணவில் சர்க்கரை மற்றும் சமையல் எண்ணெயின் பயன்பாட்டைக் குறைக்க வேண்டியிருக்கும்.

ஆனால் அதற்கு பதிலாக காய்கறிக் கூடைகளில் உருளைக் கிழங்குகளும், பேக் (Bake) செய்யப்பட்ட உணவுகளும், உள்ளூரில் கிடைக்கும் காய்கறிகளும் நிறைந்திருக்கும்.

சீஸ் போன்ற பொருட்கள் தயாரிக்கப்படுவதற்கு பதில் பால் மட்டுமே பயன்படுத்தப்படும்.

விலங்குகளுக்கு காய்கறிகளைக் கொடுத்து அவற்றை வளர்த்து உணவாகப் பயன்படுத்துவதற்கு பதில் நேரடியாக காய்கறிகளை உணவாகப் பயன்படுத்துவதற்கே முன்னுரிமை அளிக்கப்படும் என்பது போன்ற மாற்றங்கள் ஏற்படும் என அந்த ஆய்வு முடிவுகள் தெரிவித்துள்ளன.

– இந்த பதிவை உங்கள் நண்பர்களிடம் பகிர்ந்து கொள்ளுங்கள்.

Advertisement

Recommended For You

About the Author: Tharsini

Leave a Reply