பிரான்ஸ் நாட்டவரை அடித்து வலுகட்டாயமாக காலில் முத்தமிட வைத்த இளவரசி: சவூதிக்கு சிக்கல் – World News

பிரான்ஸ் நாட்டவரை அடித்து வலுகட்டாயமாக காலில் முத்தமிட வைத்த இளவரசி: சவூதிக்கு சிக்கல்

இந்த செய்தியைப் பகிர்க

சவூதி அரசர் முகமது பின் சல்மானின் சகோதரி இளவரசி ஹஸா, அடுத்த மாதம் பிரான்ஸ் தலைநகர் பாரிஸில் விசாரணைக்காக ஆஜராக வேண்டும் என உத்தரவிடப்பட்டுள்ளது.

சவூதி இளவரசி ஹஸாவுக்கு, பாரிஸில் ஆவென்யூ ஃபோச் பகுதியில் சொந்தமாக மிகவும் ஆடம்பரமான அடுக்குமாடி குடியிருப்பு உள்ளது.

கடந்த 2016 ஆம் ஆண்டு செப்டம்பர் மாதம் குறித்த அடுக்குமாடி குடியிருப்பில் வைத்து பிரான்ஸ் நாட்டவரை தாக்கியதாக இளவரசி ஹஸா, அவரது பாதுகாவலர் மீது குற்றச்சாட்டு எழுந்தது.

இதுகுறித்து பாதிக்கப்பட்ட பிரான்ஸ் நாட்டவர் கூறியதாவது, இளவரசி வீட்டில் புதுப்பித்தல் வேலைக்காக நான் சென்றேன். அங்கு நான் புகைப்படம் எடுப்பதை கண்ட இளவரசி கோபமடைந்தார். ஊடகங்களுக்கு விற்க புகைப்படம் எடுத்தாயா என குற்றம்சாட்டினார்.

40 வயதுடைய சவூதி இளவரசி, என்னை தாக்கும் படி பாதுகாவலருக்கு உத்தரவிட்டார். இந்த நாயை கொன்று விடு, இவன் வாழ தகுதியற்றவன் என கோபத்தில் கத்தினார்.

பாதுகாவலர் என்னை ஒரு மணி நேரமாக அடித்து துன்புறுத்தினார். இறுதியில், வலுகட்டயமாக இளவசரி காலில் முத்தமிட வைத்தார்கள். புகைப்படத்தை பறிமுதல் செய்த பின்னர் அவர்கள் என்னை விடுவித்தனர் என பாதிக்கப்பட்ட நபர் தெரிவித்துள்ளார்.

சம்பவத்தை அடுத்து பாதிக்கப்பட்ட நபர் அளித்து புகாரின் பேரில், 2016ம் ஆண்டு அக்டோபர் 1ம் திகதி தாக்குதலில் ஈடுபட்ட பாதுகாவலர் மீது வழக்கு பதிவு செய்யப்பட்டு அவரிடம் விசாரணை மேற்கொள்ளப்பட்டது.

2017 ஆம் ஆண்டில் வழங்கப்பட்ட ஒரு சர்வதேச கைது உத்தரவாதத்தின் கீழ் இளவரசி ஹஸா கைது செய்யப்படாததால் அவர் விசாரணையில் இருந்து தப்பித்தார்.

தற்போது, குறித்த வழக்கு விசாரணைக்காக பாரிஸில் ஆஜராகும் படி இளவசரி ஹஸாவுக்கு உத்தரவிடப்பட்டுள்ளது.

* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!

Advertisement

Recommended For You

About the Author: Tharsini

Leave a Reply